Andre studiesenter i Vestland

Studiesentera i Vestland (SIV) er eit samarbeidsnettverk mellom HVK Studiesenter, StudieHub – Fjordane Studiesenter, Sogn Kompetanse og Studiesenter Kysten. Til saman representerer nettverket 23 kommunar i Vestland og om lag 160 000 innbyggarar.

SIV er ikkje ei formell eining, men eit strategisk fellesskap for samarbeid, kompetansedeling og felles utvikling. Gjennom nettverket arbeider studiesentera saman om å utvikle og gjennomføre relevante kompetansetiltak, styrkje synlegheita i regionane og vere ein tydeleg samarbeidspartnar for utdanningsinstitusjonar, arbeidsliv og offentlege aktørar.