VFLK inviterte 3. oktober til Kompetanseforum Vestland. Her samlast akademia, næringsliv, organisasjonar, NAV og ulike studiesenter for å få ei felles forståing for felles utfordring når det kjem til demografiutvikling.

Det er inspirerande å høyre at andre har same fokus og oppfatning som oss i Studiesenter Kysten.
-> Vi treng å satse på kompetanseheving i distrikta for å møte framtida!

Tema/Bakteppet:

Som kjent for mange går vi mot ei framtid med færre unge og fleire eldre, som vil seie at vi har færre i arbeid i framtida om vi ikkje jobbar lengre, og færre unge med oppdatert utdanning om vi satsar på å oppdatere kompetanse til alle heile livet = livslang læring.

Der er også jamt over altfor mange som står utanfor arbeidslivet.

Skal vi greie å møte disse utfordringane på best mogleg måte må vi endre måten vi tenker og jobbar på i dag.

Fleire system må endrast, både støttesystem og utdanningssystem.

Vi må legge til rette slik at alle har moglegheit å ta kompetanseheving uansett kor du bur og samstundes som du arbeider- også i distriktet. Vi må dekke behov og vere relevant.

Skal vi få dette til må:

*Utdanningsinstitusjonane tilby fleksible modulbaserte kurs og studiar

-digital kompetanseheving med få samlingar

-utvikle kurs/studiar ihht. behov i næringslivet

*Studiesenter: Vi treng tilrettelagte studiefasilitetar der det ikkje er campus slik at der blir eit godt læringsmiljø og eit godt sosialt miljø også i distriktet- utanfor Campus.

*Kommunar og privat næringsliv: få meir fokus på kompetanseheving av dei tilsette.

Utføre kompetansekartlegging for å møte framtida og lage kompetanseplan.

Skal vi få til dette er det ein veldig viktig faktor som må på plass -> løyvingane til utdanning/kompetanseheving må samsvare med dei endra behova. Det må følgje midlar med å utarbeide modulbaserte og kortare utdanningar.

Takk til VFLK for invitasjonen! Ser fram til at vi alle tek med oss inspirasjon og informasjon frå dette møtet og saman held same kurs framover!